La populaziun svizra votar davart l’iniziativa dal pievel «Mantegnair la neutralitad svizra (Iniziativa da neutralitad)» en Svizra; neutralitad eterna en la Constitucziun.
Iniziativa da neutralitad
Il 27 da settember 2026, vegn la populazion a votar davart l’iniziativa dal pievel «Mantegnair la neutralitad svizra (Iniziativa da neutralitad)».
La neutralitad da la Svizra è francada dapi l’onn 1848 en la Constituziun federala. Ella è renconuschida sin tut il mund e vegn garantida dal dretg internaziunal. La Svizra utilisescha ella per proteger sia segirezza, sia independenza e ses bainstar. Grazia a la neutralitad po la Svizra furnir ses buns servetschs. En concordanza cun sia neutralitad collavura la Svizra cun auters stadis per rinforzar sia segirezza. Ella po er surpigliar sancziuns. Uschia sustegna ella l’urden internaziunal. Per exempel ha la Svizra surpiglià la gronda part da las sancziuns da la UE suenter l’attatga da la Russia sin l’Ucraina, in’attatga che ha violà il dretg internaziunal.
L’iniziativa pretenda ina pratica da neutralitad pli stricta e vul prescriver supplementarmain en la Constituziun, che la neutralitad da la Svizra è eterna ed armada. La Svizra na duai sa participar a naginas allianzas militaras u defensivas ed er betg collavurar cun ina tala allianza, nun ch’i dettia in’attatga militara sin la Svizra u preparaziuns per ina tala attatga. Plinavant na duai ella betg sa participar a dispitas militaras tranter terzs stadis e betg prender sancziuns cunter stadis en guerra. Exceptadas fissan sancziuns da las Naziuns Unidas (ONU) sco er mesiras per impedir che sancziuns vegnan guntgidas. La finala duai la Svizra duvrar sia neutralitad per sia rolla sco intermediatura.
Vulais Vus acceptar l’iniziativa dal pievel «Mantegnair la neutralitad svizra (Iniziativa da neutralitad)»?
Recumandaziun dal Cussegl federal e dal parlament
Votaziun dal pievel dals 27.09.2026 - Spiegaziuns dal Cussegl federal PDF 928.82 kB 28 fanadur 2026
Votaziun dal pievel dals 27.09.2026 - Spiegaziuns dal Cussegl federal
PDF 928.82 kB 28 fanadur 2026
Conferenza da medias dal Cussegl federal
Co, nua, cura? – Infurmaziuns utilas per las votantas ed ils votants Las respostas sin ch.ch
Co, nua, cura? – Infurmaziuns utilas per las votantas ed ils votants
L’app VoteInfo L’app da votaziun da la Confederaziun e dals chantuns: Chargiar giu da l’App Store Chargiar giu da Google Play