Volt Hannover programi zgjedhor 2026 në Hanover; promovon shkëmbime të nxënësve ERASMUS

Volt Hannover programi zgjedhor 2026 në Hanover; promovon shkëmbime të nxënësve ERASMUS

Volt Hannover Programi i Përmbledhur Zgjedhor 2026 │ Faqja 1 VIZIONI I VOLT- IT PËR QYTETIN DHE RAJONIN E HANOVERIT

PROGRAMI I PËRMBLEDHUR ZGJEDHOR

Volt Hannover Programi i Përmbledhur Zgjedhor 2026 │ Faqja 2

PËRMBAJTJA

HANOVER: EVROPIAN DHE I ORIENTUAR DREJT ZGJIDHJEVE …………………………….. 3 HANOVER: I DREJTË DHE SOCIAL ……………………………………………………………………. 4 NJË HANOVER I SIGURT DHE I SHËNDETSHËM …………………………………………………. 5 HANOVER: I DREJTË NDAJ KLIMËS DHE I PËRSHTATUR NDAJ PASOJAVE TË SAJ …. 6 HANOVER: I LËVIZSHËM DHE I NDËRLIDHUR …………………………………………………….. 7 HANOVER: DIGJITAL DHE MODERN ………………………………………………………………… 8 HANOVER: KULTUROR DHE I LARMISHËM ………………………………………………………… 9 HANOVER: DEMOKRATIK DHE I BASHKUAR ………………………………………………………10

Volt Hannover Programi i Përmbledhur Zgjedhor 2026 │ Faqja 3 HANOVER: EVROPIAN DHE I ORIENTUAR DREJT ZGJIDHJEVE

Bashkëpunimi evropian ofron mundësi për zhvillim ekonomik, shkëmbim kulturor dhe zgjidhje të përbashkëta. Qytetet dhe rajonet përfitojnë nga rrjetet, programet e finan- cimit dhe shkëmbimi i praktikave më të mira. Vizioni i Volt-it është një Hanover evropian, i cili bashkëpunon ngushtë me qytete të tjera si pjesë e komunitetit evropian. Si një rajon i hapur, i larmishëm dhe inovativ, Hanoveri shfrytëzon përfitimet e bashkëpunimit evropian dhe njëkohësisht kontribuon në mënyrë aktive me përvojën dhe pikat e veta të forta në rrjetet evropiane.

➔ Zbatimi i praktikave më të mira: Duke zbatuar praktikat më të mira dhe modelet e suksesshme nga qytete dhe vende të tjera evropiane, sjellim zgjidhje evropi- ane në rajonin e Hanoverit. Në këtë mënyrë, rajoni ynë bëhet një shembull kon- kret i përfitimeve që sjell Evropa. Prandaj, edhe në këtë program, përmendim vazhdimisht praktikat më të mira si shembuj. Ato tregojnë se shumë zgjidhje tashmë ekzistojnë diku tjetër. Qëllimi nuk është ta shpikim rrotën nga e para, por t’i përdorim këto zgjidhje të mira si udhërrëfyese dhe t’i zbatojmë sa më efektivisht në rajonin tonë. ➔ Bërja e diversitetit të dukshëm: Në Hanover jetojnë së bashku njerëz nga shumë vende dhe kultura të ndryshme. Kjo krijon mundësi për të mësuar, punuar dhe jetuar së bashku. Ne duam që ky diversitet të bëhet i dukshëm në komuni- tetin tonë urban kudo që është e mundur. Duam që Hanoveri të jetë një rajon që ruan identitetin e vet dhe njëkohësisht mbetet i hapur ndaj ideve, kulturave dhe perspektivave të reja. ➔ Promovimi i shkëmbimeve të nxënësve: Evropa dhe bota duhen përjetuar nga afër. Për këtë qëllim, qyteti dhe rajoni i Hanoverit do t’u ofrojnë në të ardhmen shkollave mbështetje më të mirë për organizimin dhe zhvillimin e programeve të shkëmbimit, si ERASMUS. Nxënësit, pavarësisht prejardhjes së tyre sociale, duhet të kenë mundësinë të marrin pjesë në këto programe dhe të fitojnë për- vojë ndërkombëtare.

Volt Hannover Programi i Përmbledhur Zgjedhor 2026 │ Faqja 4 HANOVER: I DREJTË DHE SOCIAL

Vizioni i Volt-it është një Hanover ku të gjithë mund të japin kontributin e tyre. Një qytet dhe rajon ku mundësitë nuk varen nga prejardhja familjare dhe ku njerëzit janë të lirë ta formësojnë jetën e tyre. Puna, familja dhe koha e lirë duhet të jenë në një ekuilibër të mirë. Fëmijët dhe të rinjtë duhet të kenë qasje në vende tërheqëse për të kaluar ko- hën dhe për aktivitete rekreative. Strehimi duhet të mbetet i përballueshëm, në mënyrë që të gjithë të kenë një shtëpi të sigurt.

➔ Krijimi i banesave të përballueshme: Ne promovojmë banesat kooperative dhe komunale. Gjithashtu mbështesim iniciativa që i shndërrojnë në mënyrë siste- matike pronat e papërdorura në banesa të reja. ➔ Zbatimi i qëndrueshëm i qasjes pa barriera: Ne po e çojmë përpara me vendo- smëri heqjen e barrierave, duke eliminuar gradualisht pengesat arkitektonike në hapësirat publike. Në të njëjtën kohë, planifikojmë që mobiliteti në rajonin tonë të jetë që nga fillimi i qasshëm për të gjithë. ➔ Forcimi i punës me fëmijët dhe të rinjtë: Ne mbështesim punën me fëmijët dhe të rinjtë përmes financimit më të madh dhe lehtësojmë barrën e stafit peda- gogjik duke siguruar personel administrativ shtesë. Gjithashtu nxisim partneri- tete afatgjata ndërmjet klubeve sportive dhe organizatave për fëmijë dhe të rinj. ➔ Sigurimi i mirëqenies së të rinjve: Ne përmirësojmë mirëqenien e fëmijëve dhe të rinjve duke ofruar dreka falas në shkolla. Për këtë qëllim, zgjerojmë punën sociale dhe pedagogjike në shkolla dhe organizojmë shërbime të synuara mbështetëse për çështjet e shëndetit mendor. ➔ Përmirësimi i jetës në pleqëri: Ne përmirësojmë jetën e të moshuarve duke va- zhduar të menaxhojmë në mënyrë të besueshme institucionet lokale të kujdesit. Për më tepër, forcojmë bashkëjetesën dhe kontaktin ndërmjet brezave dhe synojmë ta vendosim kujdesin në shtëpi si standard afatgjatë. ➔ Përdorimi sistematik i ndarjes së ushqimit: Ne e drejtojmë në mënyrë sistema- tike ushqimin e tepërt nga mensat dhe kantinat drejt iniciativave për ndarjen e ushqimit, organizatave sociale dhe kuzhinave që shpëtojnë ushqimin nga hed- hja.

Volt Hannover Programi i Përmbledhur Zgjedhor 2026 │ Faqja 5 NJË HANOVER I SIGURT DHE I SHËNDETSHËM

Vizioni i Volt-it është që Hanoveri të jetë një qytet dhe rajon i sigurt, ku të gjithë ndihen si në shtëpinë e tyre. Një vend ku të gjithë marrin përgjegjësi dhe janë pjesë e shoqërisë, dhe ku siguria forcohet përmes një kombinimi të rendit të qartë, parandalimit efektiv, stabilitetit social dhe angazhimit qytetar.

➔ Forcimi i shërbimeve të rendit publik: Ne do t’i forcojmë ndjeshëm shërbimet komu- nale të rendit publik, në mënyrë që të zvogëlojmë dukshëm ngarkesën e policisë. ➔ Luftimi i krimit: Ne luftojmë në mënyrë aktive krimin përmes punës së fuqishme so- ciale, pranisë së angazhuar në terren dhe shërbimeve të besueshme mbështetëse për të rinjtë. ➔ Përmirësimi i sigurisë për personat FLINTA*: Ne do ta përmirësojmë informimin për strehimoret ekzistuese për gratë dhe do të krijojmë më shumë vende në to. Gjithashtu do të krijojmë një qendër të centralizuar koordinimi për rastet e dhunës në marrëdhëniet intime. ➔ Përmirësimi rrënjësor i sigurisë rrugore: Ne e përmirësojmë sigurinë rrugore duke kri- juar më shumë zona pa makina dhe duke ndarë fizikisht format e ndryshme të tran- sportit. Gjithashtu vendosim kufizim shpejtësie prej 30 km/h në të gjitha rrugët, përveç akseve kryesore. ➔ Forcimi i ndjenjës së sigurisë gjatë natës: Ne instalojmë ndriçim më të mirë dhe të përshtatshëm në rrugë, shtigje dhe sheshe. Gjithashtu promovojmë mundësinë që pa- sagjerët të mund të zbresin, gjatë natës, edhe ndërmjet ndalesave të zakonshme në autobusët e Üstra-s. ➔ Trajtimi gjithëpërfshirës i drogës, varfërisë dhe të pastrehëve: Ne nuk trajtojmë vetëm simptomat e vështirësive sociale, por synojmë shkaqet e tyre përmes shërbimeve të posaçme mbështetëse dhe parandalimit aktiv të varësisë. Në këtë kuadër, fokusohemi në mënyrë të qëndrueshme edhe në qasje inovative si “Housing First”. ➔ Përmirësimi i dukshëm i pastërtisë: Ne e përmirësojmë pastërtinë duke optimizuar pikat qendrore të grumbullimit të mbeturinave dhe duke vendosur më shumë kosha. ➔ Lehtësimi i ngarkesës së mjekëve të familjes: Ne përmirësojmë kujdesin mjekësor bazë përmes konsultave me video dhe mbështetjes së qendrave të kujdesit mjekësor (MVZ). ➔ Modernizimi i kujdesit spitalor: Ne e bëjmë kujdesin shëndetësor në spitale modern dhe të sigurt duke zbatuar në mënyrë aktive strategjinë tonë të kujdesit shëndetësor. Për këtë qëllim krijojmë ndërfaqe digjitale të standardizuara për komunikimin ndërmjet të gjitha palëve të përfshira.

FLINTA* përfshin gratë, lezbiket, personat interseks, jobinarë, transgjinorë dhe agjinorë. Termi u refero- het grupeve që preken veçanërisht nga strukturat patriarkale. Ai e zgjeron konceptin e “grave”, por nuk e zëvendëson atë.

Volt Hannover Programi i Përmbledhur Zgjedhor 2026 │ Faqja 6 HANOVER: I DREJTË NDAJ KLIMËS DHE I PËRSHTATUR NDAJ PASOJAVE TË SAJ

Vizioni i Volt-it për Hanoverin është një qytet dhe rajon i jetueshëm, me ajër të pastër, tokë të shëndetshme dhe infrastrukturë rezistente ndaj ndryshimeve klimatike. Kjo përfshin zgjerimin e energjive të rinovueshme, forcimin e biodiversitetit dhe sigurimin e kushteve të qëndrueshme të jetesës si gjatë motit të ftohtë, ashtu edhe gjatë periudhave të nxehta.

➔ Transformimi i furnizimit me energji drejt neutralitetit klimatik: Ne do ta dekarbo- nizojmë plotësisht furnizimin me energji duke zgjeruar prodhimin e energjisë së ri- novueshme dhe duke siguruar furnizim neutral ndaj klimës për ngrohje dhe ftohje. ➔ Revolucion në transport, tani: Ne do të zgjerojmë më tej transportin publik dhe infras- trukturën për biçikleta, si dhe do t’i bëjmë më tërheqëse shërbimet e ndarjes së maki- nave dhe sistemet Park & Ride. ➔ Ruajtja e kopshteve familjare: Ne do t’i ruajmë në mënyrë të qëndrueshme kopshtet familjare si zona rekreative lokale, hapësira me vlerë për biodiversitetin dhe mjete naty- rore për mbrojtjen e klimës. ➔ Rezervuarët natyrorë të CO₂: Ne rigjallërojmë moçalet, krijojmë më shumë hapësira të gjelbra urbane dhe i bëjmë pyjet tona më rezistente ndaj ndryshimeve klimatike. ➔ Qytet me menaxhim natyror të ujërave të shiut: Ne zvogëlojmë sipërfaqet e papërshkueshme nga uji dhe zbatojmë masa të synuara për mbajtjen dhe ruajtjen e ujit, në mënyrë që të përgatitemi si për reshje të dendura, ashtu edhe për thatësira. ➔ Ndërtim i qëndrueshëm: Ne promovojmë ndërtimin e qëndrueshëm përmes përdorimit të strukturave jetëgjata dhe materialeve të qëndrueshme e të riciklueshme. ➔ Mbështetja e kopshteve komunitare: Ne mirëmbajmë dhe promovojmë në mënyrë ak- tive kopshtet komunitare në të gjithë qytetin. ➔ Forcimi i mbrojtjes së shëndetit gjatë valëve të të nxehtit: Ne krijojmë zona të freskëta për mbrojtje nga nxehtësia dhe instalojmë më shumë mundësi freskimi në hapësirat publike. ➔ Lidhja e biodiversitetit në nivel rajonal: Ne e forcojmë biodiversitetin duke krijuar një rrjet të pandërprerë biotopesh që lidh qytetin me rajonin përreth. ➔ Lagje më të qeta përmes superblloqeve: Ne zvogëlojmë trafikun transit në lagje të përzgjedhura. Në këtë mënyrë, rrugët shndërrohen në hapësira më të gjelbra dhe më të përshtatshme për jetesë. ➔ Krijimi i “Pyjeve të Vogla”: Ne krijojmë më shumë “Pyje të Vogla” për të sjellë tempera- tura më të freskëta dhe biodiversitet më të madh në komunitetet tona lokale. ➔ Promovimi i çative dhe fasadave të gjelbra: Ne promovojmë në mënyrë aktive çatitë dhe fasadat e gjelbra, veçanërisht në qendër të qytetit.

Volt Hannover Programi i Përmbledhur Zgjedhor 2026 │ Faqja 7 HANOVER: I LËVIZSHËM DHE I NDËRLIDHUR

Vizioni i Volt-it është një qytet dhe rajon i Hanoverit ku të gjithë mund të lëvizin nga pika A në pikën B shpejt, me kosto të përballueshme dhe në mënyrë fleksibile. Qëllimi është një sistem i integruar dhe i besueshëm që lidh në mënyrë të barabartë qytetin me rajo- nin dhe merr parasysh mënyrat e ndryshme të jetesës.

➔ Zgjerimi i rrjetit të tramvajit për të ardhmen: Ne e bëjmë rrjetin e tramvajit të përshta- tshëm për të ardhmen përmes lidhjeve të reja ndërmjet linjave dhe zgjatjeve të arsye- shme të traseve në stacionet fundore. Në të njëjtën kohë shqyrtojmë automatizimin e transportit hekurudhor. Nëse planifikohet realisht një linjë e re përmes Südstadt-it, ne do ta zbatojmë atë si zgjidhje në tunel me transport hekurudhor autonom. ➔ Përgatitja e rrjetit S-Bahn për drejtim autonom: Ne e përgatisim rrjetin S-Bahn për rritjen e numrit të udhëtarëve duke kërkuar nga DB-ja që deri në vitin 2031 të zbatojë masat e nevojshme për drejtim autonom. Në të n