---
title: "Nasjonalt nettverk for radiologi etablerer seks tiltak i Noreg; reduserer overforbruk og ventetid."
sdDatePublished: "2026-08-14T15:17:00Z"
source: "https://www.helse-midt.no/nyheter/2026/nytt-nasjonalt-nettverk-for-radiologi/"
topics:
  - name: "healthcare policy"
    identifier: "medtop:20000479"
  - name: "medical test"
    identifier: "medtop:20000469"
  - name: "radiology"
    identifier: "medtop:20001224"
  - name: "public health"
    identifier: "medtop:20001358"
  - name: "health care provider"
    identifier: "medtop:20000278"
  - name: "medical service"
    identifier: "medtop:20000486"
locations:
  - "Norway"
---


Nasjonalt nettverk for radiologi etablerer seks tiltak i Noreg; reduserer overforbruk og ventetid.

Nytt nasjonalt nettverk for radiologi: Vil redusere unødvendige røntgen- og MR-undersøkingar - Helse Midt-Norge RHF

Nytt nasjonalt nettverk for radiologi: Vil redusere unødvendige røntgen- og MR-undersøkingar

Nordmenn blir sende til røntgen, MR og CT sjølv om undersøkingane ikkje gir nytte. No skal eit nytt nasjonalt nettverk og seks konkrete tiltak få ned overforbruk, redusere ventetider og sikre betre pasientbehandling.

– Vi må slutte å undersøkje pasientar når det ikkje gir nytte. Det er dårleg bruk av ressursar og kan i verste fall skade pasientane. Det kan resultere i auka strålebelastning, overdiagnostikk, unødig bekymring hos pasientane og lange ventelister for dei pasientane som verkeleg har behov for våre tenester, seier Aslak Aslaksen, fagleg leiar av det nyoppretta nasjonale nettverket for radiologi, og overlege og professor emeritus ved Haukeland universitetssjukehus og UiB.

Bruken av bildediagnostikk har auka dei siste åra. I tillegg er det store geografiske forskjellar i kor ofte undersøkingane blir brukt. Medisinske behov forklarar ikkje variasjonen i landet, i følgje Senter for klinisk dokumentasjon og evaluering (SKDE) sitt helseatlas .

Gå til nettsida til det nasjonale nettverket .

Skal kutte overforbruket og redusere variasjonen

– Vi uroar pasientane unødvendig, og utnyttar ikkje dei knappe ressursane vi har i helsetenesta rett. Det er viktig å kutte overforbruket og redusere variasjonen, slik at vi får gode og likeverdige helsetenester, fortset Aslaksen.

For å snu utviklinga, er det utarbeida seks tiltak. Det viktigaste grepet er ei etablering av eit nasjonalt radiologinettverk med fagfolk frå heile landet.

I gang med dei første nasjonale tilvisingsråda

Nettverket er et samarbeid mellom dei regionale helseføretaka, og skal bidra til betre styringsdata, oppdaterte retningslinjer og tettare samarbeid mellom tilvisande legar og radiologiske miljø.

– Vi har brukt våren på å etablere oss og komme ordentleg i gang. Vi skal blant anna lage felles nasjonale råd for tilvisingar, slik at legar enklare kan vurdere kva undersøkingar som faktisk er nødvendige. Vi har allereie utarbeida dei første nasjonale tilvisingsråda innan muskel-skjelettradiologi, seier Mia Louise Mowinckel-Nilsen, administrativ leiar av Nasjonalt nettverk for radiologi.

Det nasjonale nettverket skal jobbe vidare med desse seks tiltaka:

Nettverk for radiologi i Noreg

T ilgjengelegheit av undersøkingar på tvers av sjukehus og private røntgeninstitutt

Utarbeide og oppdatere eller revidere faglege retningslinjer

Forbetring av tilvisingar til radiologi i primærhelsetenesta og sjukehusa

Betre kommunikasjon mellom radiologiske avdelingar og tilvis er

Kven er med i Nasjonalt nettverk for radiologi?

Aslak Aslaksen, fagleg leiar av Nasjonalt nettverk for radiologi, og overlege og professor emeritus ved Haukeland universitetssjukehus og UiB

Mia Louise Mowinckel-Nilsen, a dministrativ leiar av Nasjonalt nettverk for radiologi

Evabeth Roseth Bruvoll, avdelingsradiograf Haugesund sjukehus, fasilitator regionalt radiologisk nettverk Helse Vest

Morten Troøyen, radiolog og klinikksjef, St. Olavs hospital

Florentina Gorqaj, fagsjef for bildediagnostikk, Helse Sør-Øst RHF

Rut Heidi Haande, radiolog og fagrådsleder bildediagnostikk, Sykehuset Innlandet

koordinator radiologi, Helse Nord RHF

Siw Gøril Skår, seniorrådgiver, Helse Nord RHF

Tove Johansen, analytiker, Senter for klinisk dokumentasjon og evaluering (SKDE)

Eva Godske Friberg, fagdirektør medisinsk strålebruk, Direktoratet for strålevern og atomsikkerhet (DSA)

Nettverket skal delta på to sesjonar under Arendalsuka 2026:

For mye CT og MR – hva gjør vi?

Dette er ein debatt som nettverket sjølv er med på å arrangere. Sjå den tysdag 11. august klokka 15. Lenkje til strøyming: https:

Innspilltil helseministeren - samtale om helsepolitikk

Dette er ein debatt der nettverksrepresentant frå Helse Midt-Norge RHF , Morten Troøyen, deltek i panelet. Sjå den tysdag 11. august klokka 13.

Gå til nettsida til det nasjonale radiologiske nettverket.

Nyheitssak frå 2025 om utfordringa: Grep mot overforbruk av radiologiske tenester - Helse Vest RHF

Rapport frå dei fire regionale helseregionane , som blei levert til Helse- og omsorgsdepartementet i 2025.

ilgjengelegheit av undersøkingar på tvers av sjukehus og private røntgeninstitutt

mellom radiologiske avdelingar og tilvis

dministrativ leiar av Nasjonalt nettverk for radiologi

Nyheitssak frå 2025 om utfordringa:

Grep mot overforbruk av radiologiske tenester - Helse Vest RHF

Rapport frå dei fire regionale

, som blei levert til Helse- og omsorgsdepartementet i 2025.

Telefon 74 83 99 00

Faks 74 83 99 01