---
title: "Helse Vest lanserer regionalt program for lisenspsykologar Stavanger og Bergen; første i sitt slag i Noreg"
sdDatePublished: "2026-08-14T05:07:00Z"
source: "https://www.helse-vest.no/nyheiter/nyheiter-2026/helse-vest-lanserer-regionalt-program-for-lisenspsykologar/"
topics:
  - name: "health care provider"
    identifier: "medtop:20000278"
  - name: "medical profession"
    identifier: "medtop:20000485"
  - name: "education"
    identifier: "medtop:05000000"
  - name: "immigration policy"
    identifier: "medtop:20000634"
  - name: "healthcare industry"
    identifier: "medtop:20001354"
locations:
  - "Bergen"
  - "Stavanger"
  - "Norway"
---


Helse Vest lanserer regionalt program for lisenspsykologar Stavanger og Bergen; første i sitt slag i Noreg

Helse Vest lanserer regionalt program for lisenspsykologar - Helse Vest RHF

Helse Vest lanserer regionalt program for lisenspsykologar

For å sikre likare opplæring og betre støtte til psykologar utdanna i utlandet, startar Helse Vest no eit regionalt kompetanseprogram for lisenspsykologar. Programmet er det første i sitt slag i Noreg.

Alle psykologar med utdanning frå utlandet må søkje Helsedirektoratet om lisens for å kunne jobbe i Noreg. Lisensen blir gitt med krav om rettleidd praksis, ofte over to år, og inneber erfaring frå både voksen- og barnefeltet.

Oppfølginga av lisenspsykologane har til no i stor grad vore organisert lokalt i helseføretaka.

For å sikre meir likeverdig opplæring, har Helse Vest utvikla ein regional modell for lisensperioden. Modellen er utvikla i samarbeid med nettverket av utdanningsansvarlege psykologspesialistar i helseføretaka, og består av eit felles rammeverk for praksis og rettleiing og dessutan eit kompetanseprogram med fire modular. Undervisning og samlingar vil bli gjennomførte i Stavanger og Bergen.

Målet er å gi lisenspsykologane nødvendig grunnkompetanse for arbeid i norsk spesialisthelseteneste, samtidig som ordninga bidreg til auka likeverd i opplæringa og avlastar helseføretaka. Erfaringane frå piloteringa kan på sikt danne grunnlag for ein nasjonal modell.

Undervisninga blir leidd av erfarne psykologspesialistar frå helseføretaka, og første modul startar i slutten av august.