--- title: "Thomas Hirschhorn My Atlas Museum d'art dal Grischun Cuira; survista da lavur 1980-fin oz" sdDatePublished: "2026-08-20T14:20:00Z" source: "https://kunstmuseum.gr.ch/de/Presse/PublishingImages/Medienmitteilung_Thomas%20Hirschhorn_RM.pdf" topics: - name: "art exhibition" identifier: "medtop:20001135" - name: "visual arts" identifier: "medtop:20000031" - name: "culture" identifier: "medtop:20000038" locations: - "New York" - "Biel/Bienne" - "Bern" - "Zürich" - "Graubünden" - "Île-de-France" - "Switzerland" --- Thomas Hirschhorn My Atlas Museum d'art dal Grischun Cuira; survista da lavur 1980-fin oz Amt für Kultur Bündner Kunstmuseum Chur Bahnhofstrasse 35, CH-7000 Chur Tel. +41 81 257 28 70 info@bkm.gr.ch www.buendner-kunstmuseum.ch Communicaziun a las medias Ils 4 d’avust 2026 Thomas Hirschhorn. My Atlas 22.08. – 06.12.2026 Cun «My Atlas» preschenta il Museum d'art dal Grischun a partir dals 22 d'avust 2026 in'exposiziun da l'artist svizzer Thomas Hirschhorn. Ella dat ina survista da sia lavur dals onns 1980 fin oz. En il center da l'exposiziun stat l'ovra «My Atlas» che dat ina invista profunda da la diversitad da sia lavur. Thomas Hirschhorn è naschì a Berna, è creschì si a Tavau ed ha frequentà la Scola auta per design ed art a Turitg. A partir da mez dals onns 1990 ha el survegnì renconuschien- tscha internaziunala per sias installaziuns. Dapi l'onn 1984 viva e lavura el a Paris. Sut il titel «My Atlas» mussa Thomas Hirschhorn, en il Museum d'art dal Grischun, ina survista da sia ovra artistica fin ussa: L'ovra My Atlas (2025) è ina interpretaziun persunala dal concept d'in atlas, inspirada dal «Mnemosyne Atlas» dad Aby Warburg. Ella serva sco element da colliaziun tranter las differentas ovras da l'artist dal cumenzament dals onns 1980 fin oz e mussa sias relaziuns multifaras sco er sia relevanza artistica, sociala e politica. L'exposiziun è in'occasiun unica da survegnir ina invista pli profunda da la cumplexitad da las ovras da Hirschhorn. Ella vegn curatada da Stephan Kunz. En occasiun da l'exposiziun cumpara in mussavia illustrà davart l'ovra My Atlas cun in text da Thomas Hirschhorn. In'exposiziun dal museum Helga de Alvear en collavuraziun cun il museum d'art dal Grischun a Cuira. Oriundamain curatada da Sandra Guimarães. Contact per las medias Museum d'art dal Grischun, Cuira Stephan Kunz Directur artistic T +41 81 257 28 61 stephan.kunz@bkm.gr.ch Amt für Kultur Bündner Kunstmuseum Chur Bahnhofstrasse 35, CH-7000 Chur Tel. +41 81 257 28 70 info@bkm.gr.ch www.buendner-kunstmuseum.ch Biografia Thomas Hirschhorn Thomas Hirschhorn è naschì l'onn 1957 a Berna ed è creschì si a Tavau. Dals onns 1978 fin 1983 ha el studegià a la Scola d'art applitgà da Turitg ed ha fatg midada l'onn 1983 a Paris, nua ch'el viva dapi lura. Sia lavur è vegnida mussada en numerus museums, gallarias ed exposiziuns, sco ultim tranter auter: Venedig Biennale (1999 und 2015). Documenta11 (2002), São Paulo Biennale (2006),Carnegie International, Pittsburgh (2008), Schweizer Pavillon, Venedig Biennale (2011), La Triennale, Palais de Tokyo, Paris (2012), Shanghai Biennale (2012), Manifesta 10, St. Petersburg (2014). L'onn 2013 ha Thomas Hirschhorn preschentà il Gramsci Monument en la Bronx a New York. Flamme Éternelle, part da la retscha Presence and Production, ha gì lieu l'onn 2014 en il Palais de Tokyo a Paris. Tar ses ultims projects en Svizra tutgan la Robert Walser- Sculpture (2019) a Bienna sco er il Pavillon Simone Weil (2026) a Genevra. Hirschhorn ha publitgà numerusas publicaziuns, sco ultim: Critical Laboratory: The Writings of Thomas Hirschhorn (October Books / MIT Press, Cambridge 2013), Une volonté de faire, Thomas Hirschhorn (Éditions Macula, Paris 2015), Gramsci Monument (Koenig Books, London 2015). Las exposiziuns da Thomas Hirschhorn en museums, gallarias, locals da project sco er sias installaziuns en il spazi public documenteschan ses engaschament sistematic a favur d'ina vasta e betg exclusiva publicitad. El ha survegnì numerus premis e distincziuns, tranter auter: Preis für junge Schweizer Kunst (1999), Prix Marcel Duchamp (2000), Rolandpreis für Kunst im öffentlichen Raum (2003), Joseph Beuys-Preis (2004), Kurt- Schwitters-Preis (2011). Orientaziun a las medias Gievgia, ils 20 d'avust 2026, a las 10.00 Museum d'art dal Grischun, Cuira (annunzias: kathrin.gartmann@bkm.gr.ch, tel. 081 257 28 65) Vernissascha Venderdi, ils 21 d'avust 2026, a las 18.00 Exposiziun 22-08 – 06-12-2026 mardi fin dumengia, da las 10.00 fin las 17.00 gievgia, da las 10.00 fin las 20.00