Uffizi da construcziun bassa reavertura dal vial da la Via da Calanca; apertura a las 18:00, restricziuns en vigur
Via da Calanca: Reavertura cun restricziuns a partir da mesemna saira
Communicaziuns Communicaziuns Chanzlia chantunala Tschertga en l’archiv 2026 Communicaziuns Polizia chantunala
Communicaziuns Chanzlia chantunala Tschertga en l’archiv 2026
Via da Calanca: Reavertura cun restricziuns a partir da mesemna saira
A partir da mesemna saira, ils 2 da settember 2026, a las 18.00 po l’Uffizi da construcziun bassa puspè avrir in vial da la via da Calanca per il traffic. Perquai che las lavurs da segirada e da construcziun en il sectur da la Pont Nef vegnan cuntinuadas, è la reavertura colliada cun restricziuns.
Suenter che l’Uffizi da construcziun bassa ha segirà durant ils dis passads il sectur privlus e rumì la via, po la colliaziun cun la part sura da la Val Calanca vegnir restabilida. Parallelamain vegnan cuntinuadas las lavurs vi da la punt provisorica (guardar communicaziun a las medias dals 27 d’avust 2026 ).
Via averta cun restricziuns Mesemna, ils 2 da settember 2026, a partir da las 18.00 vegn in vial da la via da Calanca puspè avert. Per motivs da segirezza e da manaschi datti anc tschertas restricziuns. La via è averta mo durant il di tranter las 06.30 e las 20.30 . Pervia da las lavurs sin il plazzal ston ins quintar cun curts temps da spetga . En cas da fermas precipitaziuns po l’Uffizi da construcziun bassa puspè serrar preventivamain la via per motivs da segirezza.
Andrea Peduzzi, schef dal district 2 Mesauc, Uffizi da construcziun bassa, tel. +41 91 822 81 15 (cuntanschibel da las 15.30 fin las 16.30), e‑mail Andrea.Peduzzi@tba.gr.ch
Responsabladad: Uffizi da construcziun bassa