La suprastonza communala dils Ilanz Glion deliberau il preventiv communal 2027 a Glion; Nova ordinaziun surviglionza visuala dal spazi public
Informaziuns dalla suprastonza communala dils 01-09-2026 - Vischnaunca Glion :: Gemeinde Ilanz
Publicaziuns Publicaziuns ufficialas Lubientschas da baghegiar
Informaziuns dalla suprastonza communala dils 01-09-2026
Ils 1. da settember 2026 ha la suprastonza communala:
tractau en ina emprema lectura il preventiv communal 2027;
discussiunau la planisaziun da finanzas 2028 - 2033;
deliberau il pei da taglia 2027 sco era la quota 2027 per igl acquist da beins immobiliars entras persunas digl exteriur per mauns dil parlament communal;
priu enconuschientscha dalla presentaziun dalla Surselva Turissem SA pertuccont ils proxims projects dalla «Via Glion»;
deliberau l’adattaziun dallas taxas per auas piarsas dalla vischnaunca Ilanz
Glion e fixau ils proxims pass;
approbau il messadi pertuccont la planisaziun dalla legislatura 2026-2029 per prender enconuschientscha entras il parlament communal;
approbau il messadi pertuccont l’incumbensa Frei che pretenda l’introducziun d’ina cumissiun da baghegiar per mauns dil parlament communal;
deliberau per mauns dil post da survigilonza dalla protecziun da datas dil cantun Grischun la revisiun parziala dalla lescha da polizia dalla vischnaunca Ilanz
Glion (Lescha da polizia; LIG 41.1);
deliberau per mauns dil post da survigilonza dalla protecziun da datas dil cantun Grischun la nova ordinaziun davart la survigilonza visuala dil spazi public e dil spazi ch’ei accessibels al public (Ordinaziun survigilonza visuala; LIG 41.13);
approbau in credit per finanziar las lavurs en connex cun il svilup digl Areal Maissen a Glion;
priu enconuschientscha dil quen final dalla sanaziun dils passapei dalla Via S. Martin a Glion e decidiu in credit supplementar per ils cuosts supplementars.
Nus supplichein da prender per enconuschientscha.
Plazza Cumin 9 | Postfach 90 | 7130 Ilanz | Telefon 081 920 15 15 | info@ilanz-glion.ch
Plazza Cumin 9 | Caum postal 90 | 7130 Glion Telefon 081 920 15 15 | info@ilanz-glion.ch