Jules Spinatsch exposiziun al Museum d’art dal Grischun; publicaziun en dus toms da Roma Publications
Mehrzeilige UeberschriftJules Spinatsch. 1964 – 215522.08. – 15.11.2026
Uras d’avertura Ma-Du 10.00–17.00 Gi 10.00 – 20.00
Actualitads Jules Spinatsch ha stgaffì ils ultims 35 onns numerusas ovras ch’èn vegnidas exponidas, collecziunadas e publitgadas en Svizra ed a l’exteriur. L’exposiziun en il Museum d’art dal Grischun mussa il vast spectrum medial da sias lavurs e da sias modas da proceder. L’agen material fotografic e material ch’el ha chattà transferescha l’artist en publicaziuns, serias da maletgs, installaziuns fotograficas e lavurs da video. Partind d’ina idea documentara – «da quai ch’è, betg quai che duai esser» – examinescha Spinatsch las pussaivladads da la fotografia: da l’observaziun immediata d’eveniments socials al lieu fin al diever da proceduras da recepziun mez automaticas che collian apparentamain princips cuntradictorics sco la casualitad e la controlla a novas furmas da maletgs. Lieus sco il bal d’opera viennais, il WEF a Tavau, firmas da software, ovras atomaras, praschuns, occurrenzas da sport d’enviern u pools da glitta buglients en l’Islanda daventan ses spazis da perscrutaziun. En il Museum d’art dal Grischun realisescha l’artist ina preschentaziun che introducescha ina nova dramaturgia da spazi en il segund plaun sutterran. Spinatsch envida – e pretenda a medem temp – da s’occupar da dumondas da la percepziun, da la pussanza e da la controlla sco er da la construcziun e da la represchentaziun tras maletgs medials. En quest connex examinescha el dumondas da las auturas e dals auturs e renda a medem temp visibels il potenzial, ils cunfins e l’instabilitad da las fotografias. En il rom da l’exposiziun cumpara tar Roma Publications ina publicaziun en dus toms che cumpiglia il cudesch illustrà da format grond pitalismus ist ill sco er il reader On Jules Spinatsch cun texts essaistics e da la scienza d’art.